ក្រុមហ៊ុន Microsoft បង្ហាញពីឈុតខ្លីៗរបស់ហ្គេមដែលនឹងមកដល់ Windows 10 ក្នុងពេលឆាប់ៗនេះ

នៅក្នុងព្រឹត្តិការណ៍ Gamescom ក្នុងសប្ដាហ៍នេះ ក្រុមហ៊ុន Microsoft បាន​ប្រកាសនូវហ្គេមល្បីៗមួយចំនួន​ដែល​នឹង​មាន​នៅ​ក្នុង​ Windows 10 ក្នុងពេលឆាប់ៗខាងមុខនេះ។ នៅក្នុង Windows 10 ក្រុមហ៊ុនបានប្រើប្រាស់នូវបច្ចេកវិទ្យាក្រាហ្វិកថ្មីឈ្មោះថា DirectX 12 ដែលធ្វើឲ្យហ្គេម​គឺមានល្បឿន និងគុណភាពល្អជាងមុន។

ថ្ងៃនេះក្រុមហ៊ុន Microsoft បាន​ចេញនូវវីដេអូថ្មីមួយដែលបង្ហាញពី ឈុតខ្លះៗរបស់ហ្គេមដែលមាននៅក្នុង​ Windows 10 ក្នុង​ពេលឆាប់ៗខាងមុខនេះ។

ដូចដែលអ្នកទាំងអស់គ្នា​បាន​ឃើញហើយ ហ្គេមល្បីៗដូចជា Minecraft: Windows 10 Edition, Killer Instinct, Rise of the Tomb Raider, Gigantic, Fable Legends និង Gears of War នឹង​មាន​នៅក្នុង Windows 10 ក្នុងពេលឆាប់ៗខាងមុខនេះ។