វិធី​សាស្រ្ត​បើក​មើល System Files នៅ​លើទូរ​ស័ព្ទ​របស់អ្នក

ជា​ទូទៅ​គ្រប់​ប្រព័ន្ធ​ប្រតិបត្តិការ​ទាំងអស់ គឺ​សុទ្ធតែ​គិត​ដល់​ការពារ​ប្រព័ន្ធ ពី​កែ​ប្រែ​ដែល​អាច​នាំ​ឲ្យ​មានបញ្ហា​ដល់​ប្រព័ន្ធ​ប្រតិបត្តិការ​ផ្ទាល់​ ក៏​ដូចជា​ទូរស័ព្ទ​របស់​អ្នក​ផងដែរ។ ជាក់​ស្ដែង​ដូចជា iOS គឺ​អ្នក​ត្រូវ​ការ Jailbreak និង Android អ្នក​ត្រូវ​ការ Root ដើម្បី​អាច​ទៅមើល​ និង​កែ​ប្រែ​ទៅ​លើ System Files របស់​ប្រព័ន្ធទាំងនោះ។

សម្រាប់​ប្រព័ន្ធ​ប្រតិបត្តិ​ការ Windows 10 Mobile ក៏​មិន​ខុស​ប្លែក​ពី​ប្រព័ន្ធទាំងនោះ​ផងដែរ ថ្វី​ត្បិត​តែ​យើង​មិន​ទាន់​មាន​លទ្ធភាព​ក្នុង​ការ​កែ​ប្រែ​ទៅលើ System Files ទាំង​ស្រុង​ក៏ដោយ តែ​យើង​នៅ​មាន វិធី​ដើម្បី​​អាច​ចូល​ទៅ​មើល File System និង​អាច​បន្ថែម លុប និង​កែប្រែ​នូវ​ទីតាំង​មួយចំនួន បាន​ផងដែរ។

ជំហ៊ាន​ដើម្បី​ចូល​មើល File System របស់ Windows 10 Mobile

អ្នក​នឹង​ត្រូវ​ការជំនួយ​ពី​​កុំព្យូទ័រ សម្រាប់​វិធីសាស្រ្ត​មួយនេះ។

1. នៅលើ​កុំព្យូទ័រ បង្កើត Shortcut ដោយ​ Right Click លើ Desktop ហើយ ជ្រើសយក New > Shortcut
2. នៅ​ក្នុង​ប្រអប់ទីតាំង​វាយ C:\ ហើយ​ចុច​ Next
3. វាយ C នៅ​ក្នុង​ប្រអប់ឈ្មោះ ហើយចុច Finish
4. ភ្ជាប់​ទូរស័ព្ទ​របស់​អ្នក​ទៅ​កាន់​កុំព្យូទ័រ ហើយ​ធ្វើ​ការ​ចម្លង Shortcut ដែល​ទើប​នឹង​បង្កើត​ហើយ ចូល​ទៅ​ក្នុង Phone > Documents
5. នៅលើ ទូរស័ព្ទ ចូល​ទៅកាន់​កម្មវិធី File Explorer > This Device > Documents
6. ហើយចុចលើ Shortcut “C” ដែល​យើង​បាន​ចម្លងចូល

ខាងក្រោម​នេះ​ជា​វីដេអូ​ដែល​បង្ហាញពី​ជំហ៊ាននីមួយៗ៖

បើអ្នក​ទាំង​អស់​គ្នា​មាន​បញ្ហា​ណាមួយ​សូម​បញ្ចេញ​មតិ​នៅ​ខាងក្រោម។ សូម​អរគុណ។