វីដេអូបង្ហាញពី Build 10240 របស់ Windows 10 Mobile Preview

ជាងរយៈពេល ១ ខែទៅហើយចាប់តាំងពីការ Update ចុងក្រោយរបស់ Windows 10 Mobile Preview។ សម្រាប់ថ្ងៃនេះ build ថ្មី 10240 ត្រូវបានលេចចេញនៅលើទូរស័ព្ទ Lumia 640, 640 XL និង 930 ហើយវីដេអូខាងលើនេះគឺជាការបង្ហាញពីការប្រើប្រាស់ ដោយអ្នកប្រើប្រាស់នៅប្រទេសចិន ដែលគេបានតំឡើងនៅលើទូរស័ព្ទ Lumia 640 របស់ពួកគេ។

វីដេអូខាងលើក៏បានបង្ហាញពី ឯកសារ System របស់គម្រោង Astoria ដែលបានបង្ហាញឲ្យឃើញពីវត្តមានរបស់ អនុប្រព័ន្ធ Linux និង​ការ​ផ្លាសប្ដូរមួយចំនួនទៅលើ Notification Center ដែល​ធ្វើឲ្យវាមានរូបរាងស្រដៀងទៅនឹង Windows Phone 8.1។

ទោះជាយ៉ាងណាក៏ដោយសម្រាប់ Build 10240 នេះនឹង​មិនចេញឲ្យអ្នកទាំងអស់គ្នាអាចតំឡើងបាននោះទេ បើតាមសម្ដីរបស់លោក Gabe Abul ដែលលោក​បានប្រសាសន៍ថា នៅក្នុង Build នេះគឺ​មានកំហុសមួយចំនួន ដែលមិនអាចធ្វើការចែកចាយបាន។