Home » ព័ត៌មាន » លេចចេញវីដេអូពាណិជ្ជកម្មអំពីមុខងារ Continuum ផ្លូវការរបស់ Microsoft

លេចចេញវីដេអូពាណិជ្ជកម្មអំពីមុខងារ Continuum ផ្លូវការរបស់ Microsoft

ដោយ កុយ ទិត្យតារា

ថ្ងៃ អាទិត្យ ទី ១៨ ខែ តុលា ឆ្នាំ ២០១៥ ម៉ោង ០៨:៥៥ ល្ងាច

កាលពីដើមឆ្នាំ ២០១៥ នេះ ក្រុមហ៊ុន Microsoft បានណែនាំអំពីលក្ខណៈសម្បត្តិថ្មីមួយរបស់ Windows 10 Mobile គឺ មុខងារ Continuum។ ជាមួយនឹងមុខងារ Continuum អ្នកប្រើប្រាស់នឹងអាចធ្វើការតភ្ចាប់ទូរស័ព្ទរបស់ពួកគេ ទៅកាន់អេក្រង់ Monitor, Keyboard និង Mouse បានតាមរយៈ Dock ដោយប្រើ ឬមិនប្រើខ្សែ ដើម្បីអាចប្រើទូរស័ព្ទរបស់ពួកគេដូចនឹងកុំព្យូទ័រមួយគ្រឿងផងដែរ។

ពេលដែលអ្នកប្រើប្រាស់តភ្ជាប់ទូរស័ព្ទ ទៅកាន់ Monitor, កម្មវិធីជាសាកល Universal Windows Apps ដូចជាកម្មវិធីការិយាល័យចល័ត Office Mobile នឹងផ្ដល់នូវបទពិសោធន៍ និងរូបរាងដូចនឹងកម្មវិធី Office នៅលើកុំព្យូទ័រផងដែរ។

បន្ថែមពីនេះទៅទៀត Continuum ក៏អនុញ្ញាតឲ្យអ្នកប្រើប្រាស់អាចប្រើទូរស័ព្ទរបស់ពួកគេបានផងដែរ ស្របពេលដែលពួកគេកំពុងប្រើប្រាស់អេក្រង់ទី២ នៅលើ Monitor របស់ពួកគេ។

វីដេអូផ្សាយពាណិជ្ជកម្មថ្មីមួយត្រូវបានលេចចេញ ដោយបានបង្ហាញនូវលក្ខណៈសម្បត្តិរបស់ Continuum នៅលើ Windows 10។ សូមទស្សនាទាំងអស់គ្នា៖

គួរបញ្ជាក់ផងដែរថា មុខងារនេះគឺអាចតំណើរការបានតែនៅលើ ទូរស័ព្ទដែលមានសមត្ថភាពខ្ពស់ៗតែប៉ុណ្ណោះ ដែលបច្ចុប្បន្ននេះ គឺមានទូរស័ព្ទចំនួន ៣ ម៉ូដែល ដែលអាចប្រើប្រាស់នូវមុខងារនេះបាន ដូចជា Lumia 950, Lumia 950 XL និង Acer Jade Primo។
ប្រភព៖ WMPowerUser

Tag