ជំនាន់ថ្មីរបស់ Dropbox នាំមកនូវលទ្ធភាពក្នុងការ Video Streaming និងមុខងារជាច្រើនទៀត

Dropbox គឺជា​ក្រុមហ៊ុនដែលផ្ដល់សេវាកម្ម cloud ដែលទទួលបាន​ការពេញនិយមយ៉ាងខ្លាំងពីសំណាក់អ្នកប្រើប្រាស់ទូទៅ ក៏ដូចជាតាមក្រុមហ៊ុននានាផងដែរ។ ហើយថ្ងៃនេះ​កម្មវិធី Dropbox សម្រាប់ Windows Phone បានធ្វើកំណែប្រែមកដល់ជំនាន់ 2.2 ដែល​បាននាំមកនូវគុណសម្បត្តិសំខាន់ៗដូចជា អាចឲ្យអ្នកអាចមើលវីដេអូភ្លាមៗពីគណនីរបស់អ្នក និង​បានបញ្ចូលនូវផ្ទាំងដែលបង្ហាញពីឯកសារដែលអ្នកទើបនឹងប្រើប្រាស់ថ្មី (Recent File List)។

ខាងក្រោមនេះគឺកំណត់ត្រាការកែប្រែសម្រាប់ជំនាន់ 2.2 នេះ៖

• Recents tab: គឺជាទម្រង់ថ្មីដែលបង្ហាញអ្នកពីឯកសារដែលអ្នក​ទើបតែបានប្រើប្រាស់រួច។
• Invitations: អ្នកអាចទទួលបានផ្ទៃផ្ទុកទិន្នន័យបន្ថែមតាមរយៈការបបួលមិត្តភក្តិរបស់អ្នក​មកប្រើប្រាស់សេវាកម្ម Dropbox។ បើសិនមិត្តរបស់អ្នក បានបង្កើតគណនី និង​បាន​ប្រើគណនីនោះនៅលើកុំព្យូទ័រជាមួយនឹងកម្មវិធី Dropbox សម្រាប់កុំព្យូទ័រ នោះអ្នក និងមិត្ត​របស់អ្នក​នឹងទទួលបានផ្ទៃផ្ទុកបន្ថែម។
• Video streaming: អ្នក​នឹង​មិនចាំបាច់ត្រូវដោនឡូតឯកសារវីដេអូដើម្បីចាក់វាមើលនោះទេ គឺអ្នកអាចមើលវាផ្ទាល់តែម្ដង ដោយ​ចំណេញពេលវេលា និងអ៊ីនធឺណិតផងដែរ។
• អាចរក្សាទុកតំណភ្ជាប់ពីវេបមកកាន់គណនី Dropbox របស់អ្នកបាន
• អាចបើកតំណភ្ជាប់ពីអ៊ីនធឺណិតបាន
• ដាក់បញ្ចូលនូវកម្មវិធីសម្រាប់កែឯកសារជាអក្សរ
• បន្ថែមមុខងារ សំណព្វ (favorite) ដែលអាចឲ្យអ្នកអាចដាក់វាចូលក្នុងបញ្ជីដើមបាន។
• កែកំហុសផ្សេងៗ និង​បង្កើនល្បឿន

ចុចទីនេះដើម្បីទាញយកកម្មវិធី Dropbox សម្រាប់ Windows Phone 8.1