Microsoft ចេញកម្មវិធីថ្មី Call+ ផ្ដល់ភាពងាយស្រួលក្នុងការគ្រប់គ្រង Call Waiting និង Call Forwarding

ក្រុមហ៊ុន Microsoft ទើបតែ​ចេញ​នូវកម្មវិធីថ្មីមួយឈ្មោះថា “Call+” ដែល​អនុញ្ញាត​ឲ្យអ្នកអាច​រៀបចំ​កំណត់​មុខងារ (Call Waiting) និង (Call Forwarding) នៅលើទូរស័ព្ទ Windows Phone របស់អ្នក។ អ្នក​មានជម្រើស​ក្នុង​ការ​បើក​មុខងារ​បញ្ជូនបន្តនូវការ Call ទៅលេខណាមួយ​ពេលដែល៖

• ទូរស័ព្ទអ្នក​​នៅ​ក្រៅ​តំបន់សេវា ឬ​អស់ថ្ម (Unreachable),
• ពេល​ដែលអ្នក​ចុចមិនទទួល (Busy)
• ឬ​ពេលគ្មានការឆ្លើយតប (No Answer)

បន្ថែមពីមុខងារនេះ, វា​ក៏មាន​មុខងារសម្រួល​ដល់​ទូរស័ព្ទ​ដែ​លមាន​ស៊ីមពីរផងដែរ។

ក្រោយពេលដែលអ្នកដំឡើង​វា​រួច​, អ្នក​អាច​ចូល​កំណត់​មុខងារ​ផ្សេងៗបាន​ដោយចូល Settings ហើយទៅកាន់ Call+។ កម្មវិធីនេះគឺ​វាស្រដៀងទៅនឹង Network+ ដែរ ប៉ុន្តែ​វា​បាន​ពង្រឹងនូវមុខងារ Call Forwarding (ហើយជាពិសេសគឺ​វា​ល្អ​សម្រាប់ទូរស័ព្ទ​ដែល​មិន​មែនស្រឡាយ Lumia)។

ទាញយកកម្មវិធី Call+ (មិនគិតថ្លៃ)

ប្រភព៖ Windows Central