Home » ព័ត៌មាន » Microsoft ចេញលក់ទូរស័ព្ទស៊េរីថ្មីចំនួន ២ ម៉ូដែលគឺ Nokia 222 និង Nokia 222 សុីមពីរ

Microsoft ចេញលក់ទូរស័ព្ទស៊េរីថ្មីចំនួន ២ ម៉ូដែលគឺ Nokia 222 និង Nokia 222 សុីមពីរ

ដោយ កុយ ទិត្យតារា

ថ្ងៃ ពុធ ទី ២៦ ខែ សីហា ឆ្នាំ ២០១៥ ម៉ោង ១០:២៩ ព្រឹក

ថ្ងៃនេះ ក្រុមហ៊ុន Microsoft បានប្រកាសចេញលក់នូវទូរស័ព្ទ Nokia 222 និង Nokia 222 សុីមពីរ ដែលមានកាមេរ៉ាទំហំ ២ មេហ្គាភីសែល អាចប្រើប្រាស់អ៊ីនធឺណេតបាន និងមានភ្ជាប់មកជាមួយបច្ចេកវិទ្យា SLAM ដែលមានភាពងាយស្រួលក្នុងការចែករំលែក។ ទូរស័ព្ទទាំងពីរម៉ូដែលនេះគឺអាចឲ្យអ្នកអាចធ្វើការសន្ទនាបានរហូតដល់ទៅ ២០ ម៉ោង ហើយវាក៏មានមុខងារ ស្ដាប់វិទ្យុ ស្ដាប់ចម្រៀង រហូតដល់ទៅ ៥០ ម៉ោង។

អ្នកនឹងអាចទាញយកហ្គេមមួយដោយឥតគិតថ្លៃ រៀងរាល់ខែ សម្រាប់រយៈពេលមួយឆ្នាំ ហើយអ្នកនឹងរីករាយជាមួយហ្គេមសប្បាយៗដូចជា “Assassin’s Creed Brotherhood” ឬក៏ “Midnight Pool 3.”

ទូរស័ព្ទទាំងពីរម៉ូដែលនេះ មាន ២ ពណ៌ គឺ ពណ៌ខ្មៅ និងពណ៌ស ហើយវានឹងមានលក់នៅប្រទេសនានា នៅក្នុងខែ កញ្ញាខាងមុខនេះហើយ ជាមួយនឹងតម្លៃទីផ្សារប្រហែល ៣៧ ដុល្លាអាមេរិក។

លក្ខណៈសម្បត្តិ

ម៉ូដែល	Nokia 222 and Nokia 222 Dual SIM
ប្រព័ន្ធប្រតិបត្តិការ	Nokia Series 30+
អេក្រង់	2,4” QVGA
ថ្ម	BL-5C ,1100 mAh
រយៈពេលនិយាយ និងទុកចោល	រយៈពេលនិយាយ៖ អាចដល់ ២០ ម៉ោង ទុកចោល៖ អាចដល់ ២៩ ថ្ងៃ (ស៊ីមមួយ) ២១ ថ្ងៃ (ស៊ីមពីរ)
កាមេរ៉ា	2MP Camera
តំណភ្ជាប់	900/1800 MHz, micro USB, 3.5mm AV connector, Bluetooth 3.0 with SLAM and HSP/HFP profile
អង្គរក្សាទុក	អាចដាក់ MicroSD ទំហំដល់ទៅ ៣២ ជីហ្គាបៃ
រូបរាង	116mm x 50mm x 12.9mm ទម្ងន់ 79 g