វិធីសាស្ត្រ​ក្នុង​ការ​តំឡើង​ .XAP .APPXBUNDLE នៅលើ​ Windows 10 Mobile ដោយ​មិន​ចាំបាច់​មាន​កុំព្យូទ័រ

អ្នក​ទាំងអស់គ្នា​ប្រហែល​ធ្លាប់ជួប​បញ្ហាលំបាក​ក្នុង​ការ​តំឡើង​កម្មវិធី​នៅ​លើទូរស័ព្ទ​អ្នក កាល​ដែល​អ្នក​កំពុង​ប្រើប្រាស់ Windows Phone 8 ឬ 8.1 ដោយ​អ្នក​មិនអាច​តំឡើង​កម្មវិធី​ដោយផ្ទាល់ ឬ​តាមរយៈ​កុំព្យូទ័រ​បាន​ឡើយ​។ បញ្ហានេះគឺ​ជាផ្នែកមួយ ដែល​នាំ​ឲ្យ​អ្នក​ប្រើប្រាស់​មាន​ការធុញទ្រាន់ ដោយ​ពួក​គេ​ ត្រូវមានអ៊ីនធឺណេត ដើម្បី​​ដោនឡូត​កម្មវិធី​ពី Store។

អរគុណ Windows 10 Mobile ដែល​បាន​បញ្ចូលនូវ​មុខងារ Sideload App និង Developer Mode ដែល​មុខងារ​នេះ គឺ​អាច​អនុញ្ញាតឲ្្យអ្នក​អាច​ធ្វើ​ការ​តំឡើង​កម្មវិធី ចេញ​ពី​ប្រភព​ផ្សេងៗ ដោយ​មិន​ចាំបាច់​តំឡើង​ចេញ​តែពី Store ដូច​មុនទៀតនោះទេ។ ខាង​ក្រោម​នេះ​គឺ​ជា មធ្យោបាយ​មួយ​ក្នុង​ចំណោម​មធ្យោបាយ​ផ្សេងៗទៀត​ដែលអ្នក​នឹង​អាច​តំឡើងកម្មវិធី​នៅលើទូរស័ព្ទ​របស់អ្នក យ៉ាង​ងាយ​បំផុត​ដោយ​មិនចាំបាច់​មាន​អ៊ីនធឺណិត ឬគណនី ឬ​កុំព្យូទ័រ​នោះឡើយ គឺ​មាន​តែ​ទូរស័ព្ទ​របស់​អ្នកគឺការស្រេច។

វិធីសាស្រ្ត​ក្នុង​ការ​តំឡើង .XAP ឬ .APPXBUNDLE នៅលើទូរស័ព្ទ

ប្រភេទឯកសារដែលមាន​កន្ទុយ (extension) .xap និង .appxbundle គឺជា​ប្រភេទឯកសារ​កម្មវិធី ដែល​នឹង​ប្រើប្រាស់​ដើម្បី​តំឡើង​វា​នៅ​លើ​ទូរស័ព្ទអ្នក។ សូម​អនុវត្ត​តាម​ជំហ៊ាន​ខាងក្រោមដើម្បី​ធ្វើ​ការតំឡើង​កម្មវិធី​នៅលើទូរស័ព្ទ​របស់អ្នក៖

នៅលើកុំព្យូទ័រ

កុំព្យូទ័រពេលនេះ​គឺ​ប្រើសម្រាប់​តែ​ធ្វើ​ការ​ចម្លងកម្មវិធី និង​ហ្គេម​ចូល​ទៅ​កាន់ទូរស័ព្ទ​របស់អ្នក​តែប៉ុណ្ណោះ អ្នកក៏អាច​ធ្វើ​ការ​ដោនឡូត​ឯកសារ កម្មវិធី និង​ហ្គេម​ចេញ​ប្រភពផ្សេងៗ​បាន​ផងដែរ ដោយ​​មិន​ចាំបាច់​អាស្រ័យលើ​កុំព្យូទ័រ​នោះទេ។ បើ​សិនជាអ្នក​មាន​ឯកសារកម្មវិធី .xap ឬ .appxbundle នៅលើ​ទូរស័ព្ទ​របស់អ្នក​ស្រាប់ អ្នក​អាច​រំលង​ចំណុចនេះបាន។

បញ្ជាក់៖ ក្នុង​ពេល​ឆាប់ៗនេះ វីនដូខ្មែរ នឹង​បង្កើត​ទំព័រ​សម្រាប់​ឲ្យអ្នកទាំងអស់គ្នាអាចធ្វើ​ការទាញ​យកប្រភេទឯកសារ .xap ឬ​ .appxbundle នេះបាន ដែលមាន​អាស័យដ្ឋាន http://download.windowskhmer.com

នៅ​ក្នុង​វីដេអូខាងក្រោមគឺប្រើឯកសារមួយឈ្មោះថា Bloons-TD-5.appxbundle ដែលអ្នកអាច​ទាញយកឯកសារនេះតាមតំណភ្ជាប់ខាងក្រោម៖

Bloons-TD-5.appxbundle

1. ត្រៀមទុក​ឯកសារកម្មវិធី ឬហ្គេមរបស់អ្នក
2. ភ្ជាប់ទូរស័ព្ទទៅកាន់កុំព្យូទ័រ ហើយចម្លងឯកសារទាំងនោះទៅកាន់ទូរស័ព្ទរបស់អ្នក

នៅលើទូរស័ព្ទ

1. កំណត់យក “Sideload apps” ឬ “Developer mode” ដោយ​ចូលទៅកាន់ Setting > Update & security > For developers
2. បើកកម្មវិធី “File Explorer”
3. ចូល​ទៅកាន់ទីតាំងដែលអ្នក​បាន​ចម្លងចូលពីកុំព្យូទ័រ
4. ចុចលើឯកសារ​ .xap ឬ .appxbundle
5. បន្ទាប់មកទៀតសូមចុចលើ Install ហើយរង់ចាំបន្តិច នោះកម្មវិធី ឬហ្គេម​នោះ​នឹង​ត្រូវ​បាន​បញ្ចូល​ដោយជោគជ័យ

បញ្ជាក់៖ ទោះយ៉ាងណាតំណើរការ​នៃការ​តំឡើងនេះ មិនទាន់រលូននៅឡើយទេ, បើសិនអ្នក​ទាំងអស់គ្នា​មានបញ្ហា សូម​សាកល្បងវីធីសាស្រ្ត​ដូចខាងក្រោម៖

• សាក​តំឡើង​ដោយមានភ្ជាប់អ៊ីនធឺណិត ឬមិនភ្ជាប់
• សាកបិទបើកទូរស័ព្ទ​របស់អ្នក បើអ្នកមិនឃើញកម្មវិធីដែល​បាន​តំឡើង​ហើយនោះ

វីដេអូបង្ហាញពីរបៀប​ក្នុងការ​តំឡើង