លាហើយ Xbox Music និង Xbox Video ស្វាគមន៍ Groove និង Movies & TV សម្រាប់ Windows 10

Windows 10 គឺត្រូវ​បាន​បង្កើត​ឡើង​ដើម្បីផ្ដល់នូវបទពិសោធន៍មួយដែលងាយស្រួល​ក្នុង​ការ​ប្រើប្រាស់ និងមានសុវត្ថិភាពខ្ពស់ ជាមួយនឹងប្រសិទ្ធិភាព​ការងារ​ខ្ពស់ និង​ការ​កំសាន្ត​ច្រើនប្រភេទសម្រាប់អ្នកគាំទ្រ Windows។

សម្រាប់ថ្ងៃនេះ Microsoft បានធ្វើការ​ពង្រឹងលើផ្នែកកំសាន្តបន្ថែមទៀតនៅលើ Windows 10 តាមការស្នើសុំពីសំណាក់សហគមន៍ Windows Insider ដូចខាងក្រោម៖

Groove

តាមរយៈការស្នើសុំរបស់អ្នកគាំទ្រ ដើម្បី​ឲ្យមានការពង្រឹងលើកម្មវិធី Music ឲ្យផ្ដល់ភាពលឿន មានប្រសិទ្ធភាពនៅលើឧបករណ៍ប្រើប្រាស់របស់គេ។ ថ្ងៃនេះ Microsoft ប្រកាសការផ្លាស់ប្ដូរសម្រាប់កម្មវិធី Music ដោយ​ធ្វើការប្ដូរឈ្មោះមកជា “Groove”។

ខាងក្រោមនេះ គឺជាកំណែប្រែ និងគុណសម្បត្តិថ្មីៗសម្រាប់កម្មវិធី Groove៖

• រូបរាង៖ Groove ផ្ដល់នូវបទពិសោធន៍មួយប្រសើរជាងមុនសម្រាប់ការ ស្ដាប់ និង​គ្រប់គ្រងចម្រៀងនៅក្នុងកុំព្យូទ័ររបស់អ្នក ដោយ​ផ្ដល់នូវជម្រើស​ក្នុងការបញ្ជាដែលសម្រួលដល់ទាំងបទពិសោធន៍ ដែលប្រើប្រាស់ Mouse និង Keyboard និងបទពិសោធន៍ការប្រើប្រាស់ Touch Screen។
• ការប្រើប្រាស់ចម្រៀងនៅឧបករណ៍សំណព្ទរបស់អ្នក៖ យើងកំពុងធ្វើឲ្យអ្នកទាំងអស់គ្នា ងាយស្រួលដើម្បីប្រើប្រាស់នូវចម្រៀងតាមឧបករណ៍សំណព្វ​របស់អ្នក ដូចជាការដាក់បញ្ចូល OneDrive ដោយអ្នកគ្រាន់ដាក់ចម្រៀងរបស់អ្នកចូលក្នុង OneDrive អ្នកនឹងអាចប្រើប្រាស់ចម្រៀងនោះនៅក្នុង​ កុំព្យូទ័រ, ថេបផ្លេត, ទូរស័ព្ទ Windows, Xbox Console, វេប ហើយនៅពេលខាងមុខអ្នកក៏អាចប្រើប្រាស់នៅក្នុង Android និង iPhones ផងដែរ។
• ចម្រៀង និង Windows Store៖ អ្នកអាចប្រើចុះឈ្មោះជា Groove Music Pass ក្នុងតម្លៃ $9.99 ក្នុង១ខែ ឬ $99 ក្នុងមួយឆ្នាំ ដែអាចឲ្យអាចស្ដាប់ និងដោនឡូតចម្រៀងចេញពី Windows Store​ បាន។

Movies និង TV

Xbox Video ក៏​ត្រូវ​បាន​ប្ដូរឈ្មោះមកជា  Movies & TV ផងដែរ ខាងក្រោមនេះគឺជាការកែប្រែ និងលក្ខណៈសម្បត្តិថ្មីៗ៖

• រីករាយជាមួយការមើលវីដេអូនៅលើ Windows 10៖ អ្នក​នឹង​មាន​ភាពងាយស្រួលក្នុងការគ្រប់គ្រងបណ្ដុំវីដេអូផ្ទាល់ខ្លួនរបស់អ្នក ក៏ដូចជាភាពយន្ត និង​កម្មវិធីទូរទស្សន៍ដែលអ្នកពេញចិត្តផងដែរ។ រូបរាងបានផ្ដល់ភាពងាយស្រួលទាំងសម្រាប់ការប្រើប្រាស់ Mouse/Keyboard និង Touch Screen ផងដែរ។ ហើយអ្វីដែលថ្មីផងដែរ គឺអ្នកទាំងអស់គ្នានឹងអាចចាក់នូវប្រភេទឯកសារ .MKV ផងដែរ។
• Windows Store៖ ក្នុងកម្មវិធី Movies & TV មានដាក់បញ្ចូលនូវ Windows Store ដែលអ្នកអាច ទិញ ឬជួល ភាពយន្ត និងកម្មវិធីទូរទស្សន៍ថ្មីក្នុងកម្រិតច្បាស់ល្អ (HD) ដែលអ្នកទាំងអស់គ្នាអាចប្រើប្រាស់វាបាននៅគ្រប់ប្រភេទឧបករណ៍របស់អ្នកផងដែរ។

កម្មវិធី Groove និង Movies & TV ទាំងពីរនេះនឹងដាក់ប្រើប្រាស់ជាផ្លូវការតំណាលគ្នាជាមួយនឹង ថ្ងៃចេញជាផ្លូវការរបស់ Windows 10 នៅថ្ងៃទី ២៩ ខែ កក្កដា ឆ្នាំ ២០១៥ ខាងមុខនេះ។