តំឡើងកម្មវិធី Android នៅលើ Windows 10 Mobile យ៉ាងងាយស្រួលជាមួយ Tool មួយនេះ

អ្នកទាំងអស់ប្រហែលដឹងហើយថា យើងអាចធ្វើការតំឡើង កម្មវិធី Android នៅលើ Windows 10 Mobile បាន​ដោយប្រើប្រាស់នូវ Android SDK និង wconnect ប៉ុន្តែវាមើលទៅដូចជាស្មុគស្មាញគួរសមដែរ។ ឥឡូវនេះ​ ក្រុម Microsoft Isiders របស់ប្រទេសអេស្បាញ បានបង្កើតនូវ Tool មួយឈ្មោះថា APKToWin10M ដែលអាច​ឲ្យ​អ្នកទាំងអស់គ្នាអាចធ្វើការតំឡើង កម្មវិធី Android នៅលើ Windows 10 Mobile បាន​យ៉ាង​ងាយ​ស្រួលបំផុត ដោយគ្រាន់តែអូសយកមកដាក់តែប៉ុណ្ណោះ។

ជាតំបូងអ្នកទាំងអស់គ្នាសូមទាញយក Tool នេះដោយចុចត្រង់នេះ ឬអាចចូលទៅកាន់ទំព័រដើម ដោយចុចត្រង់នេះ។

ដើម្បីធ្វើការតំឡើង សូមអនុវត្តតាមជំហ៊ានដូចខាងក្រោម៖

1. នៅលើទូរស័ព្ទចូលទៅកាន់ Settings => Update and Security => For Developer
2. បន្ទាប់មកទៀតបើកជម្រើស developer mode និង device discovery
3. ដោតទូរស័ព្ទរបស់អ្នកចូលទៅកាន់កុំព្យូទ័រ ហើយចុចលើប៊ូតុង Pair ពីទូរស័ព្ទរបស់អ្នក
4. វាយ Code ដែលបង្ហាញលើអេក្រង់ទូរស័ព្ទចូលទៅក្នុងប្រអប់ Code របស់កម្មវិធី ហើយចុច Connect
5. ទាញកម្មវិធី Android ដែល extension .apk ចូលទៅក្នុងប្រអប់ Drop Here
6. ចុងក្រោយចុច Install ជាការស្រេច

បើអ្នកទាំងអស់គ្នាមានចំងល់សូមធ្វើការបញ្ចេញមតិនៅក្នុងផ្នែកខាងក្រោម។ សូមអរគុណ។