វិធីសាស្រ្ត​ក្នុង​ការ Root & Interop Unlock សម្រាប់​ Windows 10 Mobile

ដំណឹង​ល្អ​សម្រាប់អ្នក​ប្រើប្រាស់ Windows 10 Mobile, ថ្ងៃនេះ​ ក្រុម XDA បាន​ចេញ​នូវ​ Tool មួយ​ដែល​អនុញ្ញាត​ឲ្យ​អ្នក​ទាំងអស់គ្នា​អាច​ធ្វើការ​ Root ឬ Interop Unlock លើ​ទូរស័ព្ទ Windows 10 Mobile របស់​អ្នក​បាន។

តើ Root និង Interop Unlock មាន​អត្ថ​ន័យ​យ៉ាង​ដូច​ម្ដេច?

ជាទូទៅ​គ្រប់​ប្រព័ន្ធ​តំណើរការ​ទាំងអស់ ដូចជាការ Jailbreak នៅលើ iOS ឬ Rooting នៅលើ Android គឺ​ដើម្បី អនុញ្ញាត​ឲ្យ​អ្នក​អាច​ធ្វើការ​តំឡើង កម្មវិធី ដោយ​ពុំ​ចាំ​បាច់​ត្រូវ​ដោនឡូត​ចេញពី Store (ជា​ទូទៅ​កម្មវិធី បង់​ថ្លៃ ដែល Crack ហើយ)។

សម្រាប់ប្រព័ន្ធ​ប្រតិបត្តិការ Windows Phone ឬ Windows 10 Mobile ក៏​មិន​ខុសគ្នា​ផងដែរ គិត​ចាប់​តាំង​ពី Windows Phone 7 និង Windows Phone 8/8.1 ការ​តំឡើង​កម្មវិធី ដោយប្រើប្រាស់នូវ XAP file ទាំង​មាន License ត្រឹមត្រូវ ឬ Crack ក៏​ដោយ គឺ​អនុញ្ញាត​ឲ្យ​ធ្វើ​ការ​តំឡើង​បា​ន​តែ​សម្រាប់ Developer ហើយ​ចំនួន​កំណត់​នៃ​កម្មវិធី​ដែល​អាច​តំឡើង​បាន​គឺ​បាន​ត្រឹមតែ ១០ កម្មវិធី​តែប៉ុណ្ណោះ។

ក្រៅ​ពី​ការ​កំណត់​ខាង​លើ Microsoft ក៏​មាន​នូវការ​កំណត់​មួយ​ទៀត​គឺ High-Privilege app capabilities ដែល​អាច​អនុញ្ញាតឲ្យ​កម្មវិធី​អាច​ធ្វើការ​កែ​ប្រែ​ទៅលើ System Files របស់​ទូរស័ព្ទ។ ប៉ុន្តែ​ការកំណត់​មួយ​នេះ​ គឺ​ជា​ទូទៅ​គឺ​សម្រាប់​តែ OEM Developer Unlock តែ​ប៉ុណ្ណោះ។

Root ឬ Interop Unlock គឺ​ជា​ពាក្យ​បច្ចេក​ទេស ដែល​ត្រូវ​បាន​ប្រើតាំង​ពី Windows Phone 7 គឺ​ក្នុង​គោល​បំណង​លុប​ចោល​នូវ​ដែន​កំណត់​ដែល​មានខាងលើ។

វិធី​សាស្ត្រ​ក្នុង​ការ​ Interop Unlock លើ Windows 10 Mobile

មធ្យោ​បាយ​ខាង​ក្រោម​ត្រូវ​បាន​បញ្ជាក់​ថា​ មាន​ប្រសិទ្ធិភា​ព​នៅលើ Windows 10 Mobile Build 10166 និង Build 10512។ ដើម្បី​ធ្វើការ Interop Unlock សូម​អ្នក​ទាំងអស់​គ្នា​អនុវត្ត​ដូចខាងក្រោម៖

1. នៅលើទូរស័ព្ទចូលទៅកាន់ Settings > Update & Security > For Developers
2. ហើយ​ធ្វើការ​ធីក​ទៅ​លើ​ប្រអប់ Developer Unlock Mode.
3. ទាញ​យក​កម្មវិធី Root Tool.xap ពី​ទីនេះ
4. ភ្ជាប់​ទូរស័ព្ទ​របស់​អ្នក​ចូល​ទៅកាន់​កុំព្យូទ័រ
5. នៅលើកុំព្យូទ័រ បើកម្មវិធី Application Deployment
6. ក្នុងប្រអប់ Target ជ្រើសយក Device
7. ចុច Browse ដើម្បី​ស្វែង​រកទីតាំង Root Tool.xap ហើយ​ចុច Deploy
8. នៅលើ​ទូរស័ព្ទ ចូល​ទៅ​កាន់​កម្មវិធី Root Tool
9. ចុច Yes, I Understand !
10. ហើយ​ចុច​លើ​ប៊ូតុង ទី២ Lumia Registry Editor
11. ចុច​លើ … ដើម្បី​បើក Menu ហើយ​ជ្រើស​យក templates
    • ធីក​លើប្រអប់ Interop/Capability Unlock ដើម្បីលុបនូវដែន​កំណត់​​រៀប​រាប់​ខាង​លើ
    • ធីក​លើ​ប្រអប់ Full FS Access with MTP ដើម្បី​បើក​ឲ្យ​ឃើញ System Files ពេល​ភ្ជាប់​ជា​មួួ​យ​កុំព្យូទ័រ
12. ហើយ​ចុច Apply

ខាង​ក្រោម​ជា​វី​ដេអូ​បង្ហាញ​ពី​ជំហ៊ាន​នីមួយៗ។

សម្រាប់​ព័ត៌មាន​បន្ថែម​សូម​អាន​បន្ត​នៅ XDA Forum ដោយចុច​ត្រង់នេះ.