Home » ព័ត៌មាន » Microsoft នឹងប្រារព្ធនូវព្រឹតិ្តការណ៍ដ៏ធំរបស់ខ្លួននៅថ្ងៃទី ៦ ខែតុលា ខាងមុខនេះហើយ

Microsoft នឹងប្រារព្ធនូវព្រឹតិ្តការណ៍ដ៏ធំរបស់ខ្លួននៅថ្ងៃទី ៦ ខែតុលា ខាងមុខនេះហើយ

ដោយ កុយ ទិត្យតារា

ថ្ងៃ អង្គារ៍ ទី ១៥ ខែ កញ្ញា ឆ្នាំ ២០១៥ ម៉ោង ០១:៣៨ ល្ងាច

windows-10-devices-invite

ក្រុមហ៊ុន Microsoft បានចេញសេចក្ដីប្រកាសជាផ្លូវការហើយថា នៅថ្ងៃ អង្គារ៍ ទី ៦ ខែ តុលា ខាងមុខនេះ Microsoft នឹងធ្វើការចែករំលែកនូវព័ត៌មានអំពីទូរស័ព្ទ និងឧបករណ៍ផ្សេងៗដែលនឹងតំណើរការ Windows 10។ ព្រឹត្តិការណ៍នឹងធ្វើឡើងនៅទីក្រុង ញូយ៉ក និងចាក់ផ្សាយបន្តផ្ទាល់តាមអុីនធឺណិត។

តើ Microsoft នឹងមានអ្វីថ្មីៗសម្រាប់ព្រឹត្តិការណ៍មួយនេះ?

វាមិនត្រឹមតែ Microsoft Lumia ប៉ុណ្ណោះទេដែលត្រូវការផលិតផលថ្មីៗសម្រាប់ត្រកូលរបស់ខ្លួន តែនៅមាន Surface Pro ផងដែរ ដែល Surface Pro 3 បានចេញអស់រយៈពេលជាង ១ ឆ្នាំ ទៅហើយ បើគិតពីខែ ០៦ ឆ្នាំ ២០១៤ មក ហើយក៏មាន Microsoft Band ផងដែរ ដែលនឹងមានអាយុ ១ ឆ្នាំសម្រាប់ខែតុលាខាងមុខនេះ។

Microsoft កំពុងរៀបចំព្រឹត្តិការណ៍យ៉ាងធំមួយដើម្បីប្រកាសជាផ្លូវនូវផលិតផលថ្មីៗរបស់ខ្លួននៅខែតុលាខាងមុខនេះ។ តាមរយៈប្រភពពីវេបសាយចិន WPDang ដែលចេញព័ត៌មានតំបូងគេអំពីផែនការណ៍ពី ការប្រកាសជាផ្លូវការរបស់ក្រុមហ៊ុន Microsoft ហើយយើងក៏ជឿជាក់ផងដែរថានឹងមានព្រឹត្តិការណ៍មួយសម្រាប់ ការចេញជាផ្លូវការនូវផលិតផលថ្មីៗទាំងនេះផងដែរ។

គោលបំណងដ៏សំខាន់នៃព្រឹត្តិការណ៍ដ៏សំខាន់របស់ Microsoft មួយនេះគឺផ្ដោតសំខាន់លើ ទូរស័ព្ទ Lumia ថ្មីចំនួន ២ គ្រឿង និង Microsoft Surface Pro 4។ មានការលេចចេញព័ត៌មានជាច្រើនអំពី Lumia 950 និង Lumia 950 XL ទាំងរូបរាង និងលក្ខណៈសម្បត្តិរបស់វា ហើយដែលវានឹងក្លាយជាទូរស័ព្ទប្រចាំត្រកូល Lumia ដែលនឹងតំណើរការដោយ Windows 10 Mobile និងបំពាក់នូវមុខងារពិសេសដូចជា Continuum, Iris Scanner, និង ប៊ិច ផងដែរ។

microsoft_cityman_aka__lumia_950_xl_concept_render_by_eraz06-d935d1b

សម្រាប់ Microsoft Surface Pro 4 បើតាមព័ត៌មានពីប្រភពបានឲ្យដឹងថា នឹងប្រើប្រាស់នូវ CPU ប្រភេទថ្មីរបស់Intel គឺ Intel Skylake processor។ តាមដែលក្រុមហ៊ុន Microsoft បានសន្យា សម្រាប់ Microsoft Surface Pro 4 នឹងមិនធ្វើការផ្លាស់ប្ដូរទៅលើរូបរាងមួយភាគធំនោះទេ ដើម្បីរក្សានិរន្តភាពនៃអាជីវកម្ម ដែលឧបករណ៍ប្រើប្រាស់ដែលអាចប្រើជាមួយ Surface Pro 3 គឺអាចប្រើជាមួយនឹងម៉ូដែលថ្មីៗរបស់ខ្លួនបាន។ តែទោះយ៉ាងណា Surface Pro 4 គឺអាចមានរាងស្ដើងជាងមុន និងស្រាលជាងមុន និងអាចធ្វើការបន្ថែមសមត្ថភាពទៅលើ អេក្រង់ផងដែរ។ ហើយប្រាកដណាស់ Surface Pro 4 នឹង support មុខងារថ្មីរបស់ខ្លួនគឺ Windows Hello ដែលនឹង support នូវការស្កេនខ្ចៅដៃ ឬការស្កេនទំរង់មុខ និងប្រស្រីភ្នែកលក្ខណៈ 3D ផងដែរ។

សូមកំភ្លេចតាមដានទាំងអស់គ្នា នៅថ្ងៃអង្គារ៍ ទី ៦ ខែ តុលា ឆ្នាំ ២០១៥ ម៉ោង ៩ យប់៖

New York (U.S.A. - New York) Tuesday, 6 October 2015, 10:00:00 EDT UTC-4 hours 
Phnom Penh (Cambodia)        Tuesday, 6 October 2015, 21:00:00 ICT UTC+7 hours

Tag Windows 10 Events