មធ្យោបាយបង្ខំឲ្យកុំព្យូទ័ររបស់អ្នកទាញយក Windows 10 Update

ថ្ងៃនេះជាថ្ងៃដ៏ពិសេសរបស់ ក្រុមហ៊ុន Microsoft និង Windows ដែល ជំនាន់ថ្មីរបស់ប្រព័ន្ធប្រតិបត្តិការ លេខ១ ត្រូវ​បាន​ដាក់ឲ្យធ្វើការ Update ដោយមិនគិតថ្លៃ។ តែទោះយ៉ាងណា មានអ្នកប្រើប្រាស់ភាគច្រើនគឺមិនអាចធ្វើការទាញយកនូវ Windows 10 Update បាននៅឡើយ ដូច្នេះ វីនដូខ្មែរ សូមបង្ហាញពីរបៀបបង្ខំឲ្យកុំព្យូទ័ររបស់អ្នកទាញយក Update នេះ មិនចាំបាច់រង់ចាំនោះទេ។

មុនពេលអ្នកអនុវត្តនូវជំហ៊ានខាងក្រោម សូមអ្នកទាំងអស់គ្នាធ្វើការ Update លើ Windows 8.1 របស់​អ្នកឲ្យទៅកាន់កំណែចុងក្រោយជាមុនសិន។ បន្ទាប់មកទៀត សូមអនុវត្តតាមជំហ៊ានខាងក្រោម៖

ជំហ៊ានទី១៖

ធ្វើការលុបចោលនូវឯកសារ Update ដែលបានដោនឡូតចាស់ៗ ដោយចូលទៅកាន់ C:\Windows\SoftwareDistribution\Download

បន្ទាប់មកទៀតសូម Select All Files ហើយ Right Click និងចុចលើ Delete។

ជំហ៊ានទី២៖

Right Click នៅលើ Start Menu ហើយចុច Command Prompt (Admin)

បន្ទាប់មកទៀតវាយ Command ដូចខាងក្រោម៖

wuauclt.exe /updatenow

ជំហ៊ានទី៣៖

បើកនូវកម្មវិធី Windows Update ដោយចុច Start និងវាយ Windows Update

ហើយអ្នកនឹងឃើញថាវានឹងកំពុងតែដោនឡូត Windows 10 ដូចខាងក្រោម៖

បើអ្នកទាំងអស់គ្នាមានបញ្ហាអ្វី សូមធ្វើការបញ្ចេញមតិនៅខាងក្រោម។ អរគុណ។