Microsoft បានចេញកម្មវិធី Try Lumia ដើម្បីបង្ហាញពីវិធីប្រើប្រាស់ទូរស័ព្ទ Windows Phone

ថ្ងៃនេះក្រុមហ៊ុន Microsoft បានចេញ​នូវកម្មវិធីថ្មីមួយទៀតហើយគឺកម្មវិធី “Try Lumia” ដែល​វា​ត្រូវ​បាន​បង្កើត​ឡើងក្នុងគោលបំណងជួយ​ឲ្យ​អ្នកប្រើប្រាស់ដែល​មិន​ធ្លាប់ មាន​បទពិសោធន៏ប្រើប្រាស់នូវ​ទូរស័ព្ទស្មាតហ្វូន Lumia ក៏ដូចជាប្រព័ន្ធ Windows Phone ផងដែរ។ ក្នុង​កម្មវិធីនេះ គឺ​មាន​ផ្ដល់នូវវីដេអូណែនាំពី​របៀបប្រើប្រាស់ និង​លក្ខណៈសម្បត្តិរបស់​ប្រព័ន្ធប្រតិបត្តិការ។

ចំពោះការណែនាំវិញ គឺ​វា​មាន​សម្រាប់​មុខងារ​ជាមូលដ្ឋាន ដូចជា​របៀបក្នុង​ថតរូបភាព របៀប​ចាក់បទចម្រៀង និង​ការ​លេងហ្គេមនៅលើទូរស័ព្ទ Windows Phone ថ្មី។ ក្រៅពីនេះកម្មវិធី Try Lumia ក៏​ណែនាំ​ពី​លក្ខណសម្បត្តិប្លែកៗ​របស់​ប្រព័ន្ធ​ប្រតិបត្តិការ ដូចជា ការ​តុបតែង​អេក្រង់ដើម (Home Screen) ឬការប្រើប្រាស់អ្នកជំនួយការ​ឌីជីថល (Cortana) ផងដែរ។

ចុចទីនេះដើម្បីទាញយកកម្មវិធី Try Lumia (មិនគិតថ្លៃ)