កម្មវិធី Groove Music បាន​មក​ដល់ Windows 10 Mobile ហើយ

ក្រោយពី​ក្រុមហ៊ុន Microsoft បាន​ធ្វើកំណែប្រែ​កម្មវិធីមួយចំនួននៅលើ Windows 10 Mobile ដែលក្នុង​នោះ​រួមមាន កម្មវិធី Xbox Music ដែល​ត្រូវជំនួសដោយកម្មវិធី Groove និងកម្មវិធី Xbox Video ដែលត្រូវជំនួសដោយកម្មវិធី Movies & TV ដែល​គ្រោងនឹង​ដាក់បញ្ចូលក្នុង Windows 10 នៅជំនាន់ផ្លូវការ។

សម្រាប់ពេលនេះ កម្មវិធី Music នៅលើ Windows 10 mobile បានទទួលនូវកំណែប្រែថ្មីនេះហើយ ដោយ​បាន​ប្ដូរឈ្មោះពី Music ទៅកម្មវិធី Groove រួមជាមួយនឹងផ្ទៃក្រោយជា transparency ផងដែរ។

ក្រៅពីការធ្វើកំណែប្រែលើកម្មវិធី Music ក្រុមហ៊ុន Microsoft ក៏បានធ្វើកំណែប្រែលើកម្មវិធីមួយចំនួនផងដែរ ដូចជាកម្មវិធី អាកាសធាតុ (Weather) ដោយធ្វើការលុបចោលនូវ​បដា​ផ្សាយពាណិជ្ជកម្ម និង​បាន​ធ្វើការរចនារូបរាង​នៃកម្មវិធី កីឡា (Sports) ជាមួយនឹង icon ថ្មី។

កម្មវិធីថ្មីនេះ អ្នកអាចទាញយកពីកម្មវិធី Store beta។