ស្វែងយល់ពី​មុខងារ​របស់ Windows 10 Continuum នៅលើទូរស័ព្ទ

ក្រុមហ៊ុន​ Microsoft បាន​ធ្វើ​ឲ្យ​ក្ដី​ស្រម៉ៃ​បាន​ក្លាយ​ជាកាពិតគឺ រាល់ទូរស័ព្ទដែល​តំណើរការ Windows 10 Mobile ទាំងអស់​អាចតភ្ជាប់ទៅកាន់ម៉ូនីទ័រ ឬ​ទូរទស្សន៍ ហើយ​អាចបំលែងខ្លួនវាជា​កុំព្យូទ័រ​មួយបាន។

គម្រោង​​មួយ​នេះ​ក៏​ធ្លាប់បាន​លើកឡើង​ម្ដង​រួចមកហើយ ដោយ​ក្រុមហ៊ុន Ubuntu ដែល​ទូរស័ព្ទរបស់អ្នក​នឹង​តំណើរការប្រព័ន្ធប្រតិបត្តិការ Ubuntu Desktop នៅពេលដែល​អ្នក​ភ្ជាប់​វា​ទៅកាន់អេក្រង់ធំ។ ប៉ុន្តែគម្រោងនេះហាក់ដូចជាស្ងប់ស្ងាត់ទៅវិញ ដោយ​សារ​ប្រព័ន្ធ​ប្រតិបត្តិការនេះនៅ​មាន​មុខងារ ​ដៃគូសហការ និង​អ្នកប្រើប្រាស់ តិចនៅឡើយ។

អ្នក​ប្រហែល​ជា​បានធ្លាប់​លឺ និងស្គាល់រួច​មក​ហើយនូវ មុខងារ Continuum (ខនធីញូអឹម) ​​នៅ​លើ Tablet ដែល​តំណើរការ​ដោយ​ Windows 10 ដែល​អ្នកអាចកំណត់យក​នូវទម្រង់កម្មវិធីជា Desktop ឬ Tablet។

ហើយ​ពេល​នេះ មុខងារ​នេះ​​បាន​មក​ដល់ទូរស័ព្ទដៃដែល​ Windows 10 Mobile ហើយ គឺប្រព័ន្ធប្រតិបត្តិការ​ថ្មីនេះ គឺ​អនុញ្ញាត​ឲ្យអ្នក​អាច​ប្រើប្រាស់នូវ ឧបករណ៍ប្លូធូស ដូចជា Keyboard និង​ Mouse បាន ដូច្នេះ​មានន័យថា អ្នកគឺ​អាច​ប្រើប្រាស់ទូរស័ព្ទ​របស់អ្នក​ដូចទៅនឹង កុំព្យូទ័រ Desktop មួយផងដែរ។

ខាងក្រោមនេះគឺ​ជា​វីដេអូដែល​បង្ហាញដោយ​លោក Joe Belfiore អនុប្រធានសាជីវកម្ម ពី​មុខងារ​របស់ Continuum នៅលើ Windows 10 Mobile៖