Microsoft មានកម្មវិធីថ្មីសម្រាប់ផ្ទេរទិន្នន័យពី Android ទៅ Windows Phone

ទើបតែថ្មីៗនេះ​ដែ​ល​ក្រុមហ៊ុន Apple បានចេញនូវកម្មវិធីសម្រាប់ធ្វើការ​ផ្ទេរទិន្នន័យពី Android ទៅ iPhone ឬ iPad។ ឥឡូវនេះ​ក្រុមហ៊ុន Microsoft ក៏បាន​ចេញ​នូវកម្មវិធីថ្មីមួយផងដែរ​ដែល​អាច​ឲ្យអ្នក​អាច​ធ្វើការ​ផ្ទេរទិន្នន័យពីទូរស័ព្ទ Android ទៅកាន់ទូរស័ព្ទ Windows Phone ថ្មី​របស់​អ្នក។

កម្មវិធីនេះមានឈ្មោះថា “Switch to Windows Phone” ដែល​មាន​ទាំងសម្រាប់ Android និង​ Windows Phone។ តាមរយៈកម្មវិធីនេះ​គឺ​ផ្ដល់នូវម​ុខងារ ២ ជម្រើស​សម្រាប់ឲ្យអ្នកទាំងអស់គ្នាអាចជ្រើសរើសបាន​ដូចខាងក្រោម៖

1. ការ​ផ្ទេរតាមរយៈ Wi-Fi – គឺ​ទូរស័ព្ទទាំងពីរ​ត្រូវ​តម្លើង​កម្មវិធីនេះជាមុនសិន ដើម្បី​ធ្វើការផ្ទេរទិន្នន័យតាមរយៈ Wi-Fi
2. ការផ្ទេរតាមរយៈ OneDrive – ក្នុងជម្រើសនេះគឺ ទូរស័ព្ទ Android ​នឹង​ធ្វើការ​ backup នូវទិន្នន័យទាំងអស់ចូលទៅកាន់គណនី OneDrive របស់អ្នក។ ហើយចំពោះ Windows Phone គឺ​តម្រូវ​ឲ្យ​ធ្វើនៅពេលដែលមិនទាន់បាន Setup (ពេលទើបតែទិញ មិនទាន់ប្រើប្រាស់) គឺ​នៅពេលតំណាក់កាលបំពេញគណនី នោះវា​គឺ​បង្ហាញពីការ Backup ដែល​ចេញពីទូរស័ព្ទ Android ដែល​អ្នកអាចធ្វើការ​ Restore បាន។

កម្មវិធីតំបូងដែល​អ្នក​ត្រូវតំណើការនោះគឺ កម្មវិធីដែលនៅលើទូរស័ព្ទ Android របស់អ្នក៖

ខាងក្រោមនេះជាតំណភ្ជាប់ទៅកាន់ Windows Phone Store

https://www.windowsphone.com/en-us/store/app/switch-to-windows-phone/3286dd5d-3f98-435a-b80c-3fccba05a867

ខាងក្រោមនេះជាតំណភ្ជាប់ទៅកាន់ Google Play Store

https://play.google.com/store/apps/details?id=com.microsoft.cxe.wpbackupclient.android